Պորտուգալացի նախկին ֆուտբոլիստ Դեկուն, ով զբաղեցնում է կատալոնական «Բարսելոնայի» մարզական տնօրենի պաշտոնը, մեկնաբանել է Լիսաբոնի «Սպորտինգի» հարձակվող Վիկտոր Գյոկերեշի հնարավոր տեղափոխությունը։
«Գյոկերեշը հիանալի ֆուտբոլիստ է, նա շատ գոլեր է խփել «Սպորտինգի» կազմում։ Մենք նրան շատ լավ ենք ճանաչում։ Սակայն այս պահին դա մեր առաջնահերթությունը չէ։ «Բարսելոնան» ներկայումս չի մտածում Լևանդովսկուն փոխարինողի մասին»,- հայտնում է Mundo Deportivo-ն։
26-ամյա շվեդ հարձակվողի տրանսֆերային արժեքը գնահատվում է 70 մլն եվրո։ Վիկտորի և «Սպորտինգի» միջև գործող աշխատանքային պայմանագրի ժամկետը կլրանա 2028 թվականի կեսերին։
