«Բարսելոնայի» մարզական տնօրեն Դեկուն խոսել է վնասվածքից ապաքինվող դարպասապահ Մարկ-Անդրե տեր Շտեգենի ապագայի մասին։
Ավելի վաղ տեղեկություններ էին հայտնվել, որ կատալոնացիները կարող են ձեռք բերել «Պորտուի» դարպասապահ Դիոգու Կոշտային։
«Մենք բանակցություններ չենք վարում Կոշտայի հետ՝ որպես նոր դարպասապահ։ Մաղթում եմ նրան տիտղոսներ նվաճել «Պորտուում»։ Մեր առաջնահերթությունը Տեր Շտեգենն է, ում պայմանագիրը նախատեսված կլինի ևս երեք տարի։ Մենք ոչ ոքի չենք գնի Տեր Շտեգենին փոխարինելու համար։ Մենք չենք աշխատում նրա հետ պայմանագիր կնքելու ուղղությամբ»,- Դեկուի խոսքերը մեջբերում է լրագրող Ֆաբրիցիո Ռոմանոն։
Սեպտեմբերի 22-ին Լա Լիգայի 6-րդ տուրի «Վիլյառեալ» – «Բարսելոնա» հանդիպման ժամանակ Տեր Շտեգենը ծնկի վնասվածք էր ստացել։ Ավելի ուշ հայտնի դարձավ, որ գերմանացին շարքից դուրս է մնացել մինչև 9 ամսով։
