Լոնդոնի «Արսենալը» պատրաստ է պայքարել «Ռեալ Սոսյեդադի» կիսապաշտպան Մարտին Սուբիմենդիի համար։
Անցած ամառ «Լիվերպուլը» ցանկանում էր ձեռք բերել իսպանացուն, սակայն կիսապաշտպանը որոշեց մնալ իր ակումբում։
Ինչպես հայտնում է Independent-ը, «զինագործները» ձգտում են ամրապնդել իրենց պաշտպանական կիսապաշտպանական դիրքը և մտածում են հաջորդ ամառ Սուբիմենդիին գնելու մասին:
25-ամյա խաղացողի հավակնորդների թվում է հայտնվել նաև «Մանչեսթեր Սիթին», որը փոխարինող է փնտրում Ռոդրիին։ Մարտին Սուբիմենդին իր կարիերայի հենց սկզբից հանդես է գալիս «Ռեալ Սոսյեդադում»։
Իսպանիայի հավաքականի խաղացողի արժեքը, Transfermarkt-ի փորձագետների կարծիքով, կազմում է 60 միլիոն եվրո։
