Նորվեգացի մարզիչ Օլե Գունար Սուլշերը, ով նախկինում մարզել է «Մանչեսթեր Յունայթեդը», սխալ է համարում պորտուգալացի Կրիշտիանու Ռոնալդուի վերադարձը «կարմիր սատանաների» կազմ։
«Դա հավանաբար սխալ որոշում էր մեր կողմից: Բայց այդ պահին մտածեցինք, որ ամեն ինչ ճիշտ ենք անում։ Իմ օգնականի առաջին խոսքերն էին՝ «Ինչպե՞ս ենք մենք հիմա պաշտպանվելու»: – հայտնում է NRK-ը։
Կրիշտիանուն անգլիական գրանդ վերադարձավ 2021 թվականի ամռանը և մեկուկես մրցաշրջան անցկացրեց թիմի կազմում։ Հարձակվողն անցկացրել է 54 հանդիպում՝ դառնալով 27 գոլի և 5 գոլային փոխանցման հեղինակ։ 2023 թվականի հունվարից Ռոնալդուն հանդես է գալիս Սաուդյան Արաբիայի առաջնությունում «Ալ Նասր» ակումբի կազմում։
