«Լիվերպուլի» աստղային հարձակվող Մոհամմեդ Սալահը խոսել է թիմում տիրող մթնոլորտի մասին:
«Ամենաշատը գնահատում եմ այն, երբ ամեն առավոտ գալիս եմ պարապելու և տղաներին տեսնելու: Մենք կիսում ենք անհավանական պահեր, հատկապես մենք երեքս՝ ես, Վիրջիլը և Թրենտը, քանի որ այստեղ ենք շատ երկար ժամանակ:
Ֆիրմինոյի հեռանալուց հետո ես հասկանում եմ, որ բոլորը ինչ-որ պահի կհեռանան, ուստի ես դա սովորական չեմ համարում: Միշտ փորձում եմ լավ ժամանակ անցկացնել թիմակիցներիս հետ»,- ասել է Սալահը լիվերպուլյան ակումբի YouTube-ի ալիքում։
Ինչպես հայտնի է, Մոհամմեդ Սալահի գործող պայմանագիրը «Լիվերպուլի» հետ նախատեսված է մինչև 2024/2025 մրցաշրջանի ավարտը։
