Լա Լիգայի նախագահ Խավիեր Տեբասը կարծիք է հայտնել, որ «Բարսելոնայի» վինգեր Լամին Յամալը դժվար թե կարողանա հասնել կատալոնական ակումբի լեգենդ Լիոնել Մեսսիի մակարդակին։
«Ես կարող եմ պատկերացնել Լամինին մեծ ֆուտբոլիստների շարքում, բայց հասնել Մեսսիի հետ նույն մակարդակին… Նա կարող է նման որակներ ունենալ, բայց Մեսսիի նման լինելու համար պետք է տարիներ շարունակ պահպանել այս մակարդակը: Այս պահին հնարավոր չէ էլիտայում մնալ այնքան, որքան Մեսսին»,- Տեբասի խոսքերը մեջբերում է Marca-ն։
Ընթացիկ մրցաշրջանում Յամալը «Բարսելոնայի» կազմում անցկացրել է 16 հանդիպում բոլոր մրցաշարերում, որոնցում դարձել է 6 գոլի և ութ գոլային փոխանցման հեղինակ։
Ֆուտբոլիստի տրանսֆերային արժեքը գնահատվում է 150 միլիոն եվրո:
