Նոյեմբերի 14-ին՝ ժամը 21:00-ին, Երևանի Վազգեն Սարգսյանի անվան «Հանրապետական» մարզադաշտում կկայանա ՈւԵՖԱ Ազգերի լիգայի Հայաստան – Ֆարերյան կղզիներ հանդիպումը։

Հայաստանի ազգային հավաքականի գլխավոր մարզչի ժամանակավոր պաշտոնակատար Սուրեն Չախալյանի և թիմի պաշտպան Հովհաննես Համբարձումյանի նախախաղային մամուլի ասուլիսը կկայանա Վազգեն Սարգսյանի անվան «Հանրապետական» մարզադաշտի մամուլի ասուլիսների սրահում նոյեմբերի 13-ին՝ ժամը 17:30-ին։

Հայաստանի ազգային հավաքականի նախախաղային մարզումը կկայանա նոյեմբերի 13-ին՝ ժամը 18:00-ին Վազգեն Սարգսյանի անվան «Հանրապետական» մարզադաշտում: Մարզման առաջին 15 րոպեները բաց կլինեն մեդիայի հավատարմագրված ներկայացուցիչների համար:

Ֆարերյան կղզիների ազգային հավաքականի գլխավոր մարզիչ Էյդուն Կլակստեյնի և ֆուտբոլիստներից մեկի նախախաղային մամուլի ասուլիսը կկայանա Վազգեն Սարգսյանի անվան «Հանրապետական» մարզադաշտի մամուլի ասուլիսների սրահում նոյեմբերի 13-ին՝ ժամը 19:00-ին:

Ֆարերյան կղզիների ազգային հավաքականի նախախաղային մարզումը կկայանա նոյեմբերի 13-ին՝ ժամը 20:00-ին Վազգեն Սարգսյանի անվան «Հանրապետական» մարզադաշտում: Մարզման առաջին 15 րոպեները բաց կլինեն մեդիայի հավատարմագրված ներկայացուցիչների համար։