Պրեմիեր Լիգայի վերջին երկու տուրերում «Մանչեսթեր Սիթին» նույն 1։2 հաշվով պարտվել է «Բրայթոնին» և «Բորնմութին»։ Արդյունքում «Սիթիի» տարբերությունը առաջատար «Լիվերպուլից» հինգ միավոր է։
«Մանչեսթեր Սիթիի» պաշտպան Ռուբեն Դիաշին հարցրել են, թե ինչ կասի նրանց, ովքեր դուրս են համարում թիմին Պրեմիեր Լիգայի չեմպիոնական մրցավազքից:
«Խնդրում եմ, մի կասկածեք մեր հաջողության վրա»,- Դիաշի խոսքը մեջբերում է ESPN-ը։
Հիշեցնենք, որ «Մանչեսթեր Սիթին» դարձել է Անգլիայի չեմպիոն նախորդ չորս մրցաշրջաններից յուրաքանչյուրում։
