«Մանչեսթեր Յունայթեդի» նոր գլխավոր մարզիչ Ռուբեն Ամորիմը գրառում է կատարել, որում շնորհակալություն է հայտնել «Կարմիր սատանաների» գլխավոր մարզչի ժամանակավոր պաշտոնակատար Ռուդ վան Նիստելռոյին։
X սոցիալական ցանցում Ամորիմը հրապարակել է վան Նիստելռոյի լուսանկարը և մակագրել այն` «Շնորհակալություն, Ռուդ»:
Հիշեցնենք, որ հոլանդացի մասնագետը գլխավոր մարզչի պաշտոնակատարն էր Էրիկ տեն Հագի հեռանալուց հետո։
Նոյեմբերի 11-ին Ամորիմը դարձավ «Մանչեսթեր Յունայթեդի» մարզչական շտաբի ղեկավար, իսկ Վան Նիստելռոյը հեռացավ ակումբից։
