Ռոդրիին կորցնելուց հետո «Մանչեսթեր Սիթին» ձմռանը կարող է նոր կիսապաշտպանի համար տրանսֆերային շուկա մտնել։
Ինչպես տեղեկացնում է Fichajes-ը, Անգլիայի չեմպիոնները հետաքրքրված են Մադրիդի «Ռեալի» կիսապաշտպան Ֆեդերիկո Վալվերդեով։
Վալվերդեն ունակ է գործել ինչպես հենակետային գոտում, այնպես էլ ավելի հարձակվողական դիրքերում։ Այս բազմակողմանիությունը գրավում է «Մանչեսթեր Սիթիի» գլխավոր մարզիչ Պեպ Գվարդիոլային:
Այնուամենայնիվ, Ֆեդերիկո Վալվերդեի տեղափոխությունը «Մանչեսթեր Սիթի» շատ դժվար կլինի: Մադրիդի «Ռեալը» կարող է մերժել ուրուգվայցու համար կատարված ցանկացած առաջարկ՝ հաշվի առնելով նրա նշանակությունը Կառլո Անչելոտտիի համակարգում։
