«Մանչեսթեր Յունայթեդը» հետաքրքրված է 33-ամյա կենտրոնական պաշտպան Դանիլոյով։ Այս մասին հայտնում է Juve Live-ը։

Աղբյուրի համաձայն՝ «կարմիր սատանաների» նոր գլխավոր մարզիչ Ռուբեն Ամորիմը ցանկանում է, որ ակումբը գալիք ձմռանը պայմանագիր կնքի բրազիլացի ֆուտբոլիստի հետ։ Ընդգծվում է, որ անձամբ՝ Դանիլոն, գտնվում է թուրինյան ակումբից հեռանալու շեմին։

Այս մրցաշրջանում պաշտպանը բոլոր մրցաշարերում մասնակցել է 10 հանդիպման, որոնցում արդյունավետ չի եղել։ Ֆուտբոլիստի աշխատանքային պայմանագիրն ակումբի հետ նախատեսված է մինչև 2025 թվականի ամառը։

Transfermarkt-ը ֆուտբոլիստին գնահատում է 7 միլիոն եվրո։