«Լիվերպուլի» հարձակվող Մուհամեդ Սալահը գոլի և գոլային փոխանցման հեղինակ է դարձել Պրեմիեր Լիգայի «Ասթոն Վիլայի» հետ խաղում (2։0)։
Ֆուտբոլիստը իր կարիերայի ընթացքում Պրեմիեր Լիգայում արդեն 75 գոլային փոխանցում է կատարել։
Այս ցուցանիշով նա գերազանցել է «Արսենալի» լեգենդար հարձակվող Թիերի Անրիին (74)։ «Լիվերպուլի» հարձակման գծի առաջատարը Պրեմիեր Լիգայի բոլոր ժամանակների լավագույն գոլային փոխանցումների ցանկում 13-րդն է։
Ռայան Գիգզը շարունակում է մնալ առաջատարը 162 գոլային փոխանցումով։
