Մադրիդի «Ռեալի» կիսապաշտպան Լուկա Մոդրիչը մեկնաբանել է Լա Լիգայի 13-րդ տուրի խաղում «Օսասունայի» նկատմամբ տարած հաղթանակը (4:0):
«Մեզ պետք էր այս հաղթանակը, մենք լավ խաղ ցուցադրեցինք և հուսով եմ, որ սա կարող է շրջադարձային լինել մրցաշրջանում:
Կառլո Անչելոտտին հիանալի աշխատանք է կատարում: Չի կարելի քննարկել այն ամենը, ինչ նա արել է այս ակումբի համար: Նա մեզ շատ բան տվեց, և ես վստահ եմ, որ ապագայում նա շատ ավելին կտա այս թիմին և կշարունակի տիտղոսներ նվաճել»,- Մոդրիչի խոսքերն է մեջբերում ակումբի մամուլի ծառայությունը։
Մադրիդի «Ռեալը» 27 միավորով 2-րդ տեղում է։ «Օսասունան» ունի 21 միավոր և զբաղեցնում է 5-րդ հորիզոնականը:
