«Լիվերպուլի» գլխավոր մարզիչ Արնե Սլոտը մեկնաբանել է Պրեմիեր Լիգայի խաղում «Ասթոն Վիլայի» նկատմամբ տարած հաղթանակը (2:0):
«Հեշտ հաղթանակ չէր, ինչպես շատ հանդիպումներում: «Ասթոն Վիլան» թերևս այնքան ագրեսիվ չէր, որքան մենք սպասում էինք:
Ընդհանուր առմամբ, մենք վերահսկում էինք խաղը և գոլ խփեցինք երկու հակագրոհների արդյունքում, թեև գուցե ոչ այն, ինչ սպասում էինք: Առաջին անգամը չէ, որ «Լիվերպուլը» նման կերպ հակագրոհներ է անում, մենք շատ արագ ֆուտբոլիստներ ունենք։
Սալահը, կարծում եմ, լավագույն վիճակագրությունն ունի մեր հարձակվողական ոճի ֆուտբոլիստների մեջ։ Մեր բոլոր հարձակվողները լավ ելույթներ ունեն, բայց Սալահն աչքի է ընկնում այս առումով։
Ուրախ ենք, որ մեր ֆուտբոլիստներից շատերն առանց վնասվածքների դժվար շրջան են անցել։ Տեսնենք, թե ինչ է կատարվում Տրենտի հետ:
Մեզ ծանր հանդիպումներ են սպասվում, մրցաշրջանն ընդհանուր առմամբ ծանր է լինելու, թիմերի միջև տարբերությունը փոքր է։ Այն կա, բայց փոքր: Առջևում շատ մարտահրավերներ կան»,- Սլոտի խոսքերն է մեջբերում BBC-ն։
