«Լիվերպուլի» և աջ պաշտպան Տրենտ Ալեքսանդր-Առնոլդի միջև բանակցությունները նրա պայմանագրի երկարաձգման շուրջ, որն ավարտվում է 2025 թվականի ամռանը, դադարեցվել են: Այս մասին հայտնում է The Sun-ը։

Աղբյուրի համաձայն՝ անգլիական ակումբը չի ցանկանում էապես բարձրացնել 26-ամյա ֆուտբոլիստի աշխատավարձը և նրան դարձնել ավելի բարձր վարձատրվող ֆուտբոլիստ, քան հարձակվող Մուհամեդ Սալահն ու կենտրոնական պաշտպան Վիրջիլ վան Դեյկը, որոնց հետ նույնպես բանակցություններ են ընթանում։ Ներկայումս ընթացքի մեջ է նրանց աշխատանքային պայմանագրերի երկարաձգումը։

Ավելի վաղ հաղորդվում էր, որ Ալեքսանդր-Առնոլդի նկատմամբ հետաքրքրություն են ցուցաբերում Մադրիդի «Ռեալն» ու ՊՍԺ-ն, սակայն ֆուտբոլիստը դեռ վերջնական որոշում չի կայացրել իր ապագայի վերաբերյալ։