«Ատալանտայի» կիսապաշտպան Էդերսոն Լոուրենսոն կարող է Անգլիա տեղափոխվել արդեն հունվարին։

Այս մրցաշրջանում «Քաղաքայինները» կորցրին «Ոսկե գնդակի» դափնեկիր Ռոդրիին, ով երկար ժամանակ կբացակայի խաչաձև կապանների պատռվածքի պատճառով։

Առանց առանցքային կիսապաշտպանի, Անգլիայի գործող չեմպիոնների համար ամեն ինչ այնքան էլ լավ չի ընթանում, ուստի ակումբը կարող է դիմել տրանսֆերային շուկա՝ ուժեղացումների համար արդեն հունվարին:

Transfer News Live-ի համաձայն՝ Պեպ Գվարդիոլան կցանկանար իր թիմում տեսնել «Ատալանտայից» բրազիլացի Էդերսոնին։ Ոչ վաղ անցյալում կիսապաշտպանի նկատմամբ հետաքրքրություն էր ցուցաբերում «Մանչեսթեր Յունայթեդը»։

Transfermarkt պորտալը 25-ամյա ֆուտբոլիստի արժեքը գնահատում է 40 մլն եվրո։