«Միլանի» պորտուգալացի հարձակվող Ռաֆայել Լեաուն հայտնել է, որ իր ներկայիս ակումբում գոհ է ամեն ինչից։
«Իտալիան հիանալի է ինձ համար: Միլանը շատ գեղեցիկ քաղաք է, ունի հիանալի եղանակ և համեղ ուտեստներ։ Դուք կարող եք գնալ գնումներ կատարելու։ Ես այստեղ ինձ զգում եմ ինչպես տանը։ Կարծում եմ՝ ես և Իտալիան կատարյալ համադրություն ենք»,- պորտուգալացու խոսքերն է մեջբերում Calciomercato-ը։
25-ամյա պորտուգալացին միլանյան թոփ-ակումբում է հանդես գալիս 2019 թվականի օգոստոսից։ Կողմերի միջև գործող աշխատանքային պայմանագրի ժամկետը լրանում է 2028 թվականի հունիսի վերջին։ Ֆուտբոլիստի տրանսֆերային արժեքը կազմում է 75 միլիոն եվրո։
