Հայտնի է դարձել Մադրիդի «Ռեալի» հարձակվող Կիլիան Մբապպեի ստույգ աշխատավարձը։
Ինչպես սոցցանցերի միջոցով հայտնել է ինսայդեր Ռամոն Ալվարես դե Մոնթսը, 25-ամյա ֆրանսիացի հարձակվողն «Արքայական» ակումբում վաստակում է 36 միլիոն եվրո՝ ներառյալ բոնուսային վճարումները։
Մբապպեն մադրիդյան գրանդի շարքերը համալրել է այս ամառ։ Նա ֆրանսիական ՊՍԺ-ից է տեղափոխվել ազատ գործակալի կարգավիճակով։ Այս մրցաշրջանում Կիլիանը «Լոս Բլանկոսի» կազմում մասնակցել է 15 հանդիպման՝ դառնալով ութ գոլի և երկու գոլային փոխանցման հեղինակ։
Նրա պայմանագիրը «Ռեալի» հետ նախատեսված է մինչև 2029 թվականի ամառ։
