BBC աշխարհահռչակ պարբերականը ֆուտբոլասերներին է ներկայացրել Կոնֆերենցիաների Լիգայի 3-րդ տուրում «Չելսիի» մրցակից Երևանի «Նոային»։

««Չելսին» այս մրցաշրջանում չի հանդիպի ավելի հետաքրքիր մրցակցի:

Հայկական «Նոան» եկել է «Սթեմֆորդ Բրիջ» հինգշաբթի օրը կայանալիք Կոնֆերենցիաների լիգայի խաղարկության փուլի հանդիպմանը, և նույնիսկ այնտեղ հայտնվելով թիմն արդեն պատմություն է կերտել:

Առաջին որակավորման փուլի 50 ակումբներից նրանք միակն էին, ովքեր դուրս եկան փլեյ-օֆֆ, և նրանք մեկ քայլ առաջ գնացին` հասնելով համապատասխան մրցաշարին:

Նրանք 18 գոլ խփեցին որակավորման փուլում, այդ թվում՝ դարպասապահ Օգնյեն Չանչարևիչի հեռահար հարվածը` Աթենքի ԱԵԿ-ի դեմ խաղում։

Երևանյան թիմը 2:0 հաշվով հաղթել է չեխ «Մլադա Բոլեսլավին» և 1:0 հաշվով պարտվել Վիեննայի «Ռապիդին» կոնֆերենցիաների Լիգայի երկու տուրերում», գրել է BBC-ն։