Մադրիդի «Ռեալը» բանակցություններ է վարում իսպանացի մասնագետ Խաբի Ալոնսոյի հետ, ով այժմ աշխատում է Լևերկուզենի «Բայերում»։ Այս մասին հայտնում է Teamtalk-ը։
Աղբյուրի փոխանցմամբ՝ կողմերը մոտ են համագործակցության վերաբերյալ նախնական պայմանավորվածությանը։
Նշվում է, որ Կառլո Անչելոտտիի հրաժարականի դեպքում ժամանակավոր մարզիչ կարող է նշանակվել Ռաուլ Գոնսալեսը։
Նա թիմը կմարզի մինչեւ ամառ, որից հետո տեղը կզիջի Ալոնսոյին։ Խաբին Լևերկուզենի թիմի մարզիչն է 2022 թվականի աշնանից։
Հիշեցնենք, որ անցած մրցաշրջանում «Բայերը» իսպանացու գլխավորությամբ դարձավ Գերմանիայի չեմպիոն և գավաթակիր։
