«Բարսելոնայի» գլխավոր մարզիչ Հանս-Դիտեր Ֆլիկը պատասխանել է կիսապաշտպան Գավիի խաղ վերադառնալու մասին հարցին։
«Չգիտեմ, թե երբ նա ամբողջությամբ պատրաստ կլինի։ Մենք համակարգված կներկայացնենք Գավիին թիմ, նրա խաղային րոպեների քանակը կախված կլինի հանդիպման իրավիճակից»,- Ֆլիկի խոսքերն է մեջբերում Mundo Deportivo-ն։
20-ամյա Գավին այս մրցաշրջանում մասնակցել է Բարսելոնայի չորս հանդիպման՝ ընդհանուր առմամբ խաղադաշտում անցկացնելով ընդամենը 20 րոպե։ Իսպանացու պայմանագիրը «Բարսելոնայի» հետ նախատեսված է մինչև հաջորդ մրցաշրջանի ավարտը, իսկ նրա տրանսֆերային արժեքը գնահատվում է 90 միլիոն եվրո։
