Լոնդոնի «Արսենալը» հույսեր չի կապում ուկրաինացի պաշտպան Ալեքսանդր Զինչենկոյի հետ կարող է վաճառել նրան արդեն հունվարին, հայտնում է Give me Sport-ը։

Զինչենկոն, ըստ աղբյուրի, այլևս ներառված չէ «զինագործների» գլխավոր մարզիչ Միկել Արտետայի ծրագրերում, քանի որ մասնագետը պատրաստում և արդեն օգտագործում է այլ խաղացողների ձախ պաշտպանի դիրքում։

27-ամյա Ալեքսանդր Զինչենկոն այս մրցաշրջանում «զինագործների» կազմում չորս հանդիպում է անցկացրել բոլոր պաշտոնական մրցաշարերում՝ առանց արդյունավետ գործողությունների։

Անցկացրած 10 հանդիպումներից հետո «Արսենալը» Անգլիայի Պրեմիեր լիգայի 2024/2025 մրցաշրջանի մրցաշարային աղյուսակում զբաղեցնում է հինգերորդ տեղը՝ վաստակելով 18 միավոր։ Նույնքան խաղից հետո «Լիվերպուլը» 25 միավորով գլխավորում է աղյուսակը։