«Մանչեսթեր Սիթին» մտածում է հարձակման գիծն ուժեղացնելու մասին։ Ինչպես հայտնում է Fichajes պորտալը, Մադրիդի «Ռեալի» հարձակվող Ռոդրիգոն հայտնվել է անգլիական գրանդի ուշադրության կենտրոնում։
Աղբյուրի համաձայն՝ «Մանչեսթեր Սիթիի» գլխավոր մարզիչ Պեպ Գվարդիոլան նշել է Ռոդրիգոյին որպես գլխավոր թիրախներից մեկը՝ հաշվի առնելով Էրլինգ Հոլանդի հետ ունեցած անորոշությունը։
Հնարավոր է, որ 2025 թվականին նորվեգացին փոխի ակումբային գրանցումը։ «Մանչեսթեր Սիթին» պատրաստ կլինի Ռոդրիգոյի համար առաջարկել 150 միլիոն եվրո։
Ընդ որում, բանակցությունները հեշտ չեն լինի, քանի որ «Ռեալը» բարձր է գնահատում 23-ամյա բրազիլացուն ու չի պատրաստվում բաժանվել նրանից։
