Մադրիդի «Ռեալի» նախագահ Ֆլորենտինո Պերեսը կարծում է, որ Լևերկուզենի «Բայերի» գլխավոր մարզիչ Խաբի Ալոնսոն լավագույն թեկնածուն է Կառլո Անչելոտտիին փոխարինելու համար։ Այս մասին հայտնում է լրագրող Ֆաբրիցիո Ռոմանոն։
Պերեսը կարծում է, որ իսպանացի մասնագետն իր խաղաոճի շնորհիվ իդեալական է ակումբի համար։ Ավելի վաղ հայտնի էր դարձել, որ Ալոնսոն 2025 թվականի ամռանը կարող է «Բայերից» տեղափոխվել Մադրիդի «Ռեալ»։
Մադրիդի «Ռեալը» մտադիր չէ հեռացնել Անչելոտտիին այս մրցաշրջանի ընթացքում, սակայն թիմի ղեկի փոփոխությունը տեղի կունենա 2024/25 մրցաշրջանի ավարտին։
Միաժամանակ, «Ռեալը» իտալացուն կառաջարկի առաջատար պաշտոններից մեկը, եթե նա չցանկանա այլ տեղ շարունակել մարզչական կարիերան։
