Բոսնիացի կիսապաշտպան Միրալեմ Պյանիչը համեմատել է Լիոնել Մեսսիին և Կրիշտիանու Ռոնալդուին։
«Նրանք լավագույն ֆուտբոլիստներն են, որ մենք տեսել ենք վերջին 20 տարիների ընթացքում։ Դրանում կասկած չկա։ Ես հնարավորություն ունեի խաղալու նրանցից յուրաքանչյուրի հետ և սիրում էի նրանց խաղը:
Կրիշտիանուն շատ աշխատասեր է: Նա հոգ էր տանում իր ֆիզիկական վիճակի մասին ամեն օր, այնպես որ ես բոլորովին չեմ զարմանում, որ նա դեռ այդքան հիանալի մարզավիճակում է: Այո, նա մի քանի վատ խաղեր ունեցավ: Եթե գնդակը հարվածելուց հետո անցնում է դարպասի կողքով, նա չի դադարում խաղալ: Նա զարմանալի ամրություն ունի, որը ուրիշի մեջ չես գտնի:
Բայց Մեսսին բոլորովին այլ է, նա պարզ է։ Ինձ թվում է՝ երբ արթնանում է, ինքն իրեն ասում է. «Այսօր երեք գոլ կխփեմ»։ Հետո նա դուրս է գալիս խաղադաշտ ու երեք գոլ է խփում»,- ասել է Պյանիչը:
