Աջ պաշտպան Պեդրո Պորրոն, ով հանդես է գալիս Լոնդոնի «Թոթենհեմում», կարող է իր խաղային կարիերան շարունակել Իսպանիայի առաջնությունում։ Այս մասին հայտնում է Todofichajes-ը։
Աղբյուրի համաձայն՝ 25-ամյա ֆուտբոլիստի ծառայություններով հետաքրքրված է Մադրիդի «Ռեալը»: Արքայական ակումբը Պորրոյին դիտարկում է որպես այլընտրանք Տրենտ Ալեքսանդր-Առնոլդին:
Եթե անգլիացու գործարքը ձախողվի, Մադրիդի «Ռեալն» իր ուշադրությունը կսևեռի Պորրոյի վրա: Պեդրոյի պայմանագիրը ներկայիս ակումբի հետ նախատեսված է մինչև 2028 թվականի հունիսի վերջը։ Ֆուտբոլիստի տրանսֆերային արժեքը կազմում է 45 միլիոն եվրո։
