«Միլանի» հարձակվող Ռաֆայել Լեաուն կարող է կարիերան շարունակել «Բարսելոնայում»։
Ինչպես հայտնում է Diario Sport-ը, 25-ամյա պորտուգալացու ծառայություններով շարունակում է հետաքրքրվել «Բարսելոնան»։
Աղբյուրի համաձայն՝ կատալոնացիները վերահսկում են ֆուտբոլիստի իրավիճակը, ով վերջին շրջանում բացեր է ունեցել «Միլանի» գլխավոր մարզչի հետ։
Այս մրցաշրջանում Լեաուն բոլոր մրցաշարերում մասնակցել է 11 հանդիպման, որոնցում դարձել է մեկ գոլի և 4 գոլային փոխանցման հեղինակ։ Պորտուգալացի ֆուտբոլիստի պայմանագիրը «Միլանի» հետ նախատեսված է մինչև 2028 թվականը։
Transfermarkt-ը ֆուտբոլիստի արժեքը գնահատում է 75 միլիոն եվրո։
