Մադրիդի «Ռեալի» դարպասապահ Անդրեյ Լունինը ձմեռային տրանսֆերային պատուհանի ժամանակ կարող է լքել թիմը, հայտնում է Todofichajes-ը։
Ըստ աղբյուրի՝ 25-ամյա դարպասապահը նոր ակումբ է փնտրում։ Դա պայմանավորված է ֆրանսիական «Լիլի» դարպասապահ Լուկա Շևալյեի «սերուցքայինների» ճամբար հնարավոր տեղափոխության հետ։
Լունինը «Ռեալում» է հանդես գալիս 2018 թվականից։ Դարպասապահի գործող պայմանագիրն իսպանական գրանդի հետ ավարտվում է 2030 թվականի ամռանը։
Ֆուտբոլիստի տրանսֆերային արժեքը կազմում է 25 միլիոն եվրո։
