Անտոնիո Ռուդիգերը խուսափել է «Էլ-կլասիկոյում» սպառնացող վնասվածքից։
Հաղորդվում էր, որ Մադրիդի «Ռեալի» պաշտպանը մկանային խնդիրներ է ունեցել «Բարսելոնայի» հետ հանդիպումից հետո: Խաղից հետո անհանգստություն է զգացել նաև Լուկաս Վասկեսը, սակայն Ռուդիգերի իրավիճակը մեծ անհանգստություն է առաջացրել։
As-ի փոխանցմամբ՝ փորձաքննության արդյունքներով Ռյուդիգերի մոտ ձախ ոտքի մկանների զգալի ծանրաբեռնվածություն է հայտնաբերվել, սակայն պաշտպանը լուրջ վնասվածքներ չի ստացել։
Նշվում է, որ Ռուդիգերի մասնակցությունը «Վալենսիայի» հետ շաբաթ օրը կայանալիք հանդիպմանը մնում է հարցականի տակ։ Վերջնական որոշումը կկայացվի մոտ օրերս, սակայն ակումբը լավատես է գերմանացի պաշտպանի առողջական վիճակի հարցում։
