Մադրիդի «Ռեալի» գլխավոր մարզիչ Կառլո Անչելոտտին չի ափսոսում «Էլ-կլասիկոյում» իր խաղային ծրագրի համար։
Մադրիդյան թիմը սեփական հարկի տակ 0։4 հաշվով պարտություն կրեց «Բարսելոնայից»։
«Չեմ ցանկանում խոսել իմ խաղային պլանի մասին։ Ես ֆուտբոլում եմ արդեն 48 տարի, ուստի չեմ սխալվի, եթե ասեմ, որ առաջին խաղակեսը լավն էր։ Վերջին անգամ, երբ մենք պարտվեցինք «Բարսելոնային» 0։4 հաշվով, ի վերջո հաղթեցինք Լա Լիգան և Չեմպիոնների Լիգան»,- Անչելոտտիի խոսքերն է մեջբերում Eurosport-ը։
Իսպանիայի առաջնության հաջորդ հանդիպումը «Ռեալը» կանցկացնի շաբաթ օրը՝ նոյեմբերի 2-ին, արտագնա խաղում կմրցի «Վալենսիայի» հետ։
