Իսպանիայի ոստիկանությունը ձերբակալել է Մադրիդի «Ռեալի» հարձակվող Վինիսիուս Ժունիորի դեմ ռասիստական ատելության արշավի չորս ենթադրյալ կազմակերպիչների։ Այս մասին հայտնում է ոստիկանության լրատվական ծառայությունը X սոցիալական ցանցում։
Նշվում է, որ հետաքննությունը սկսվել է Լա Լիգայի բողոքներից հետո։ Ձերբակալվածները սոցիալական ցանցերում Մադրիդի «Ատլետիկոյի» երկրպագուներին կոչ են արել այցելել մարզադաշտ և ռասայական հայհոյանքներ հնչեցնել։
Լա Լիգայի 8-րդ տուրի խաղում սեպտեմբերի 29-ին Մադրիդի «Ատլետիկոն» և Մադրիդի «Ռեալը» մրցեցին։ Հանդիպումն ավարտվեց ոչ-ոքի՝ 1։1 հաշվով։
Հանդիպումից հետո «Ատլետիկոյի» նկատմամբ պատժամիջոցներ կիրառվեցին, այդ թվում՝ երկրպագուների տրիբունաների փակումը։