Մադրիդի «Ռեալի» դարպասապահ Տիբո Կուրտուան ամփոփել է Դորտմունդի «Բորուսիայի» հետ Չեմպիոնների Լիգայի երրորդ տուրի հանդիպումը (5:2):
«Մրցակիցը կարողացավ շատ վտանգավոր իրավիճակներ ստեղծել, իսկ հետո գոլ խփեց: Բայց ընդմիջմանը մենք խոսեցինք այն մասին, թե որքան պետք է բարելավել մեր խաղը և որքան արագ։
Հենց առաջին գոլը խփեցինք, վստահ էինք, որ ավելի շատ կխփենք ու կպայքարենք հաղթանակի համար։
Մենք ատում ենք պարտվելը, և երբ երկրորդ խաղակեսում դեմ առ դեմ խաղացինք, ցույց տվեցինք Չեմպիոնների Լիգայի խաղի համար անհրաժեշտ ինտենսիվությունը: Դա մեծ տարբերություն էր»,- ասել է Կուրտուան Movistar-ի եթերում:
