Լոնդոնի «Չելսին» Դորտմունդի «Բորուսիային» նախորդ ամառ առաջարկել է գնել Բեն Չիլվելին։
Ինչպես հաղորդում է Sky Sports-ը, գերմանական ակումբի ղեկավարությունը դիտարկել է Չիլվելի տարբերակը, սակայն ի վերջո որոշել է հրաժարվել տրանսֆերից:
Անգլիացի պաշտպանն այլեւս էական դեր չի խաղում «Չելսիում»։ Ընթացիկ մրցաշրջանում Չիլվելն Անգլիայի լիգայի գավաթի խաղարկությունում մասնակցել է միայն մեկ հանդիպման՝ «Բարոուի» դեմ խաղում։ 2021 թվականից ֆուտբոլիստը բազմաթիվ վնասվածքներ է ստացել, որոնց պատճառով բաց է թողել 100 պաշտոնական հանդիպում։
Հաղորդվում է, որ դորտմունդցիները չեն բացառում ձմեռային տրանսֆերային պատուհանի ձախ պաշտպանի տրանսֆերը: Այս պահին ակումբն այս պաշտոնում Ռամի Բենսեբաինիին այլընտրանք չունի, սակայն վերջնական որոշումը մնում է գլխավոր մարզիչ Նուրի Շահինին։
