«Բավարիայի» 23-ամյա ձախ պաշտպան Ալֆոնսո Դևիսը մտադիր է նրա ծառայություններով հետաքրքրված ցանկացած ակումբից տարեկան 20 միլիոն եվրո աշխատավարձ խնդրել։ Այս մասին հաղորդում է Sport.es-ը։
Աղբյուրի համաձայն՝ կանադացի ֆուտբոլիստի պայմանագիրը մյունխենյան ակումբի հետ երկարաձգելու հավանականությունը, որն ավարտվում է 2025 թվականի ամռանը, չափազանց ցածր է։ Ներկայումս Դևիսի նկատմամբ ամենաակտիվ հետաքրքրություն է ցուցաբերում Մադրիդի «Ռեալը», սակայն նրա հետ կարող են մրցել «Բարսելոնան» ու «Մանչեսթեր Յունայթեդը»։
Նախկինում պաշտպանը մերժել էր «Բավարիայի» առաջարկը՝ տարեկան 14 միլիոն եվրո։
Այս մրցաշրջանում Դևիսը բոլոր մրցաշարերում մասնակցել է ութ հանդիպման, որոնցում դարձել է մեկ գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2025 թվականի ամառը։
Transfermarkt-ը ֆուտբոլիստի արժեքը գնահատում է 50 միլիոն եվրո։