Ֆրանսիայի հավաքականի նախկին պաշտպան Ռաֆայել Վարանը, ով վնասվածքից հետո կարիերան ավարտեց, խոստովանել է, որ ցանկանում էր մնալ «Մանչեսթեր Յունայթեդում», սակայն, հասկանալով, որ այնտեղ իր վրա հույս չեն դնում, որոշել է պայմանագիր կնքել «Կոմոյի» հետ։ Ֆրանսիացին բացատրել է այս որոշման պատճառները։
«Մանչեսթեր Յունայթեդում» իմ վերջին մրցաշրջանի սկզբում ես ինքս ինձ արդեն ասացի, որ կցանկանայի կարիերաս ավարտել այնտեղ` մի փոքր երկարացնելով իմ արկածն այս ակումբում։ Դա տեղի չունեցավ։ Ես փնտրում էի ինչ-որ յուրահատուկ բան և գտա «Կոմոն»: Ես ի վերջո հաղթեցի Անգլիայի գավաթը «Յունայթեդի» հետ, բայց արդեն գիտեի, որ ակումբի նախագիծն ինձ չի ընդգրկում իր շարքերում։
«Կոմոն» աչքի ընկնող տարբերակ էր, այն էկզոտիկ կամ ֆինանսական առումով գրավիչ չէր, բայց մարդկային առումով այն իմաստալից էր, քանի որ ես պատրաստվում եմ մնալ նրանց հետ: Ես նույնպես ցանկանում էի խաղալ շաբաթը մեկ անգամ։ Նախամրցաշրջանից հետո իմ ընտանիքը պետք է գար Իտալիա, բայց երբ ես վնասվածք ստացա հուլիսի 11-ին, անմիջապես հասկացա, որ դա ավարտված է», – Վարանի խոսքերն է մեջբերում L’Equipe-ը։
