Մադրիդի «Ռեալը» հետաքրքրություն է ցուցաբերում Լևերկուզենի «Բայերի» և Հոլանդիայի հավաքականի պաշտպան Ժերեմի Ֆրիմպոնգի նկատմամբ, հաղորդում է Sky Sports-ը։
23-ամյա ֆուտբոլիստը խաղում է աջ պաշտպանի դիրքում, ինչը խնդրահարույց է մադրիդյան ակումբի համար Դանի Կարվախալի ծանր վնասվածքից հետո։
Նշվում է, որ Ֆրիմպոնգը չի պատրաստվում լքել Լևերկուզենի «Բայերը» ձմեռային տրանսֆերային պատուհանի ժամանակ, իսկ տրանսֆերը կարող է կայանալ հաջորդ ամառ։ Ֆուտբոլիստի պայմանագիրը լևերկուզենյան ակումբի հետ, որը նախատեսված է մինչև 2028 թվականը, ունի մոտ 40 միլիոն եվրո գնման տարբերակ։
Այս մրցաշրջանում Ֆրիմպոնգը բոլոր մրցաշարերում «Բայերի» կազմում անցկացրած 10 խաղում դարձել է 1 գոլի և 5 գոլային փոխանցման հեղինակ։
