«Մանչեսթեր Յունայթեդը» չի գոհացնում երկրպագուներին իր արդյունքներով, և այդ պատճառով թիմի գլխավոր մարզիչ Էրիկ Տեն Հագը գտնվում է լուրջ ճնշման տակ։
Ըստ ամենայնի, հոլանդացին չի հեռացվի զբաղեցրած պաշտոնից ընթացիկ միջազգային ընդմիջման ժամանակ, թեև նման տեղեկություններ են հայտնվել:
TEAMtalk-ին հայտնի է դարձել, որ «Մանչեսթեր Յունայթեդի» ղեկավարության նիստից հետո Տեն Հագին ասել են, որ իր ապագան կախված կլինի հաջորդ երկու հանդիպումների արդյունքներից:
«Կարմիր սատանաներին» սպասվում են «Բրենտֆորդի» (ԱՊԼ) և «Ֆեներբախչեի» (Եվրոպա Լիգա) դեմ խաղերը:
Տեն Հագը կարող է հեռացվել «Մանչեսթեր Յունայթեդից», եթե նա վատ հանդես գա այս երկու հանդիպումներում:
