ՊՍԺ-ի գործադիր տնօրեն Վիկտորիանո Մելերոն խոսել է աստղային հարձակողական եռյակի՝ Կիլիան Մբապպեի, Նեյմարի և Լիոնել Մեսսիի հեռանալու մասին, որը ազդել է փարիզցիների ֆինանսական վիճակի վրա։
«Տնտեսական կորուստներ չեն եղել։ 2023/2024 մրցաշրջանի եկամուտներն ավելի բարձր են, քան նախորդը։ Իսկ 2025 թվականին այն նույնպես կավելանա։ Առևտրային եկամուտները կշարունակեն աճել։
ՊՍԺ-ի բրենդը շատ ուժեղ է։ Մենք միշտ հատուկ ուշադրություն ենք դարձնում շապիկների վաճառքին, քանի որ դա խորհրդանշական է։ Ակումբի համար ֆինանսական խնդիրներ չեն առաջացել այս ֆուտբոլիստների հեռանալուց։
Այնուամենայնիվ, այս մրցաշրջանում մենք կկորցնենք 50 միլիոն եվրո՝ Լիգա 1-ի հեռուստատեսային իրավունքների ճգնաժամի պատճառով: Մեր խնդիրն է այս կորուստը փոխհատուցելու ուղիներ գտնել։ Բայց, չնայած դրան, մեր եկամուտը կշարունակի աճել, այդ թվում՝ նոր մրցաշարերի շնորհիվ», – Մելերոյի խոսքերն է մեջբերում RMC Sport-ը։
