«Լիվերպուլի» չեխ դարպասապահ Վիտեսսլավ Յարոսը մեկնաբանել է իր նորամուտը «կարմիրների» հիմնական թիմում։
Անգլիայի Պրեմիեր լիգայի 7-րդ տուրի՝ «Քրիսթալ Փելասի» հետ խաղում Յարոշը խաղադաշտ է դուրս եկել պահեստայինների նստարանից՝ փոխարինելով վնասվածք ստացած Ալիսոն Բեկերին։
«Զարմանալի զգացում, մանկության երազանքի իրականացում. Հասկանալի է, որ հանդիպման վերջում հեշտ չէր խաղադաշտ մտնել, հատկապես այսպիսի խաղում. Բայց ամեն ինչ լավ ստացվեց, մենք երեք միավոր վաստակեցինք։ Փայլուն է», – Յարոշի խոսքերն է մեջբերում «Լիվերպուլի» պաշտոնական կայքը։
Յարոշը 23 տարեկան է և «Լիվերպուլին» է միացել 2017 թվականին Պրահայի «Սլավիայից»:
