«Չելսիի» գլխավոր մարզիչ Էնցո Մարեսկան բացատրել է, թե ինչու «արիստոկրատները» Պրեմիեր Լիգայում չեն կարող պայքարել «Արսենալի» և «Մանչեսթեր Սիթիի» հետ։
«Ես իսկապես չեմ կարծում, որ մենք կարող ենք մրցել «Մանչեսթեր Սիթիի» կամ «Արսենալի» հետ։ Ես իսկապես այդպես չեմ կարծում, մենք դեռ պատրաստ չենք։ Պատճառն այն է, որ «Մանչեսթեր Սիթին» 9 տարի ունի նույն մարզիչը, «Արսենալը»՝ հինգ տարի։ Եթե ցանկանում եք պայքարել ինչ-որ մեծ բանի համար, ապա ձեզ հարկավոր է այս ժամանակը։
ՊՍԺ-ի «Արսենալից» կրած պարտությունից հետո Լուիս Էնրիկեին հարցրել են նույն բանի մասին, և նա պատասխանել է, որ «Արսենալը» հինգ տարի նույն մարզիչն է ունեցել, իսկ ՊՍԺ-ն՝ ընդամենը մեկուկես տարի։
Ի՞նչ կարող ենք ասել մեր մասին, եթե երեք ամիս միասին ենք։ Այսպիսով, տարբերությունը հսկայական է։ Ուստի վստահ եմ, որ մենք չենք կարողանում պայքարել այս ակումբների դեմ»,- Մարեսկայի խոսքերն է մեջբերում Goal-ը։
