Մադրիդի «Ռեալի» գլխավոր մարզիչ Կառլո Անչելոտտին դժգոհ է թիմի աստղային հարձակվող Վինիսիուս Ժունիորից։

Ինչպես հաղորդում է Goal-ը, Անչելոտտին վրդովված է, որ բրազիլացի ֆուտբոլիստը անտեսում է հանգստություն պահպանելու իր խորհուրդը, նույնիսկ երբ մրցավարները որոշումներ են կայացնում «Ռեալի» դեմ։

Վինիսիուսը այս մրցաշրջանում արդեն երեք դեղին քարտ է ստացել մրցավարների հետ վիճելու համար։ Դա անհանգստացնում է Անչելոտտիին, քանի որ իտալացին միշտ մեծ նշանակություն է տվել կարգապահությանը և պրոֆեսիոնալիզմին։

Անչելոտտին արդեն զրույց է ունեցել Վինիսիուսի հետ, բայց դա որևէ նկատելի ազդեցություն չի ունեցել խաղադաշտում ֆուտբոլիստի պահվածքի վրա։