Լոնդոնի «Արսենալի» ղեկավարները ցանկանում են ձեռք բերել Թուրինի «Յուվենտուսի» սերբ հարձակվող Դուշան Վլահովիչին 2025 թվականի ամառային տրանսֆերային պատուհանի ժամանակ։
Ինչպես հայտնում է Teamtalk-ը, «զինագործները» ցանկանում են պայմանագիր կնքել 24-ամյա սերբ ֆուտբոլիստի հետ և ուժեղացնել հարձակման գիծը: Փորձագետները հարձակվողի տրանսֆերային արժեքը գնահատում են 65 միլիոն եվրո։ Հարկ է նշել, որ ինքը՝ Վլահովիչը, դեմ չէ ուժերը փորձել Մառախլապատ Ալբիոնում։ Բացի «Յուվենտուսից», սերբը հասցրել է հանդես գալ «Ֆիորենտինայում» և «Պարտիզանում»:
Հիշեցնենք, որ այս մրցաշրջանում Դուշան Վլահովիչը թուրինյան թիմի կազմում հինգ հանդիպում է անցկացրել Իտալիայի առաջնությունում, որոնցում դարձել է երկու գոլի հեղինակ։ Վլահովիչի գործող պայմանագիրը «Յուվենտուսի» հետ նախատեսված է մինչև 2026 թվականի հունիսը:
