Լոնդոնի «Չելսիի» վինգեր Միխայիլ Մուդրիկը կարող էր հեռանալ ակումբից անցած ամառ։

Ըստ ինսայդեր Ֆաբրիցիո Ռոմանոյի՝ գերմանական Բունդեսլիգայի անանուն ակումբը պատրաստ էր ձեռք բերել 23-ամյա ֆուտբոլիստին, սակայն «Չելսին» մերժել է։

Աղբյուրի համաձայն, այս մրցաշրջանում ֆուտբոլիստի ելույթները կարող են որոշել նրա հետագա ապագան «Չելսիում»։

Միխայիլ Մուդրիկը Էնցո Մարեսկիի թիմի կազմում այս մրցաշրջանում հինգ խաղում երկու գոլային փոխանցման հեղինակ է դարձել։