«Բարսելոնան» սկսում է Ռոբերտ Լևանդովսկուն փոխարինող թեկնածուներ դիտարկել։
Ինչպես տեղեկացնում է Diario Sport-ը, ակումբի մարզական ղեկավարությունն ուսումնասիրում է շուկան՝ հարձակվողին երկարաժամկետ փոխարինող փնտրելու համար։ Այս մրցաշրջանում լեհը լավ արդյունքներ է ցույց տալիս (4 գոլ+2 գոլ․փոխանցում Լա Լիգայի 5 հանդիպումներում ) և մնում է թիմի առանցքային ֆուտբոլիստներից մեկը, սակայն այն փաստը, որ նա արդեն 36 տարեկան է, իսկ գործող պայմանագրի ժամկետը լրանում է 2026 թվականի հունիսի 30-ին, մտածելու առիթ է տալիս ակումբի ղեկավարությանը։
Այս առումով ակումբը երեք հավանական հավակնորդների է գտել հարձակումն ուժեղացնելու համար:
Նախ, առաջինը Էրլինգ Հոլանդն է, ով, ենթադրաբար, կարող է հեռանալ «Մանչեսթեր Սիթիից» որոշակի հանգամանքներում: Այնուամենայնիվ, նրա տրանսֆերային արժեքը ներկայումս անհայտ է և հավանաբար կսկսվի 175 միլիոն եվրոյից: Բացի այդ, նորվեգացու աշխատավարձը գերազանցում է 20 միլիոն ֆունտը՝ զիջելով միայն Եվրոպայի ամենաբարձր վարձատրվող ֆուտբոլիստներից մեկին՝ Կևին դե Բրույնեին:
Երկրորդ, ակումբը դիտարկում է «Սպորտինգում» հանդես եկող շվեդ հարձակվող Վիկտոր Գյոկերեշին: Նա մրցաշրջանը սկսեց՝ 7 խաղում խփելով 9 գոլ, ինչը նրա նկատմամբ հետաքրքրություն առաջացրեց ինչպես «Բարսելոնայի», այնպես էլ Պրեմիեր Լիգայի մի շարք ակումբների կողմից, որոնք արդեն հարցումներ էին կատարել:
Երրորդ թեկնածուն համարվում է «Լայպցիգից» Բենջամին Շեշկոն։ 21 տարեկանում սլովենացին արդեն մերժել էր «Արսենալի» առաջարկը և ակումբի հետ պայմանագիր ստորագրեց մինչև 2029 թվականը՝ մտադրվելով շարունակել իր զարգացումը Բունդեսլիգայում։ Սակայն ընդգծվում է, որ նա ապագայի համար կարող է տարբերակներ դիտարկել, իսկ «Բարսելոնան» կարող է հույս դնել այս տարբերակի վրա՝ «Լայպցիգի» հետ լավ հարաբերությունների շնորհիվ։ Բացի այդ, նրա տրանսֆերային արժեքը կկազմի շուրջ 65 միլիոն եվրո, ինչը շատ ավելի իրատեսական է, քան Հոլանդին կամ Գյոկերեշին գնելը:
Նշվում է, որ «Բարսայի» ֆինանսական վիճակի պատճառով այս տրանսֆերներից որեւէ մեկը դժվար կլինի իրականացնել։
