«Մանչեսթեր Յունայթեդը» հետաքրքրված է Մյունխենի «Բավարիայի» 29-ամյա կիսապաշտպան Լեոն Գորեցկայով։ Այս մասին հայտնում է AS-ը։
Աղբյուրի համաձայն՝ «կարմիր սատանաները» կարող են ձեռք բերել գերմանացի ֆուտբոլիստին ձմեռային տրանսֆերային պատուհանի ժամանակ։ Ընդգծվում է, որ Գորեցկան դժգոհ է թիմում իր ներկայիս դիրքից։
Այս մրցաշրջանում կիսապաշտպանը բոլոր մրցաշարերում մասնակցել է երկու հանդիպման, որոնցում դարձել է մեկ գոլի հեղինակ։
Transfermarkt-ը ֆուտբոլիստի արժեքը գնահատում է 30 միլիոն եվրո։
