Իսպանացի նախկին դարպասապահ Սանտիագո Կանիսարեսը բարձր է գնահատում Մադրիդի «Ռեալից» Տիբո Կուրտուայի մակարդակը։
«Կուրտուան նրանցից լավագույնն է։ Կար ժամանակ, երբ ասում էինք. «Կա Մեսսին և մնացածը»։ Նույնը Կուրտուայի դեպքում։ Նա Մարադոնան է, Մեսսին և Կրիշտիանոն, երբ խոսքը գնում է դարպասապահների աշխարհի մասին։ Նա շատ ավելի լավն է, քան մնացածը և ամեն անգամ ցույց է տալիս իր մակարդակը։
Մենք արդեն սովոր ենք նրա կարևոր սեյվերին։ Մյուս դարպասապահների խաղում մենք դա կնշեինք, բայց Կուրտուայի համար դա սովորական երևույթ է։
Ինձ համար Տիբո Կուրտուան պատմության լավագույն դարպասապահն է։ Նա շատ կարևոր ֆուտբոլիստ է «Ռեալի» համար»,- ասել է Կանիսարեսը Movistar+-ին տված հարցազրույցում։
