«Ինտերի» գլխավոր մարզիչ Սիմոնե Ինձագին կիսվել է Չեմպիոնների Լիգայի «Մանչեսթեր Սիթիի» հետ առաջիկա խաղի սպասելիքներով։
«Սա ռևանշ չէ, այլ առաջին տուրի հանդիպումը։ Այժմ ամեն ինչ այլ է, քանի որ պետք է պատրաստվել ութ տարբեր խաղերի, այլ ոչ թե երեք հակառակորդի, ինչպես նախկինում։ Ես դիտեցի այդ եզրափակիչը դրա ավարտից մեկ շաբաթ անց, իսկ մեկ ամիս առաջ նորից դիտեցի այն մարզումների միջև ընդմիջման ժամանակ։
Ես ոչ մի բանի համար չեմ ափսոսում, իմ թիմն այդ օրը 100%-ով խաղաց: Կարիք չկա կրկին ներկայացնել «Մանչեսթեր Սիթիին», որը տանը չի պարտվել 2018 թվականից։
Մենք գիտենք, թե ինչ է պետք անել, վազքը, ագրեսիվությունը, վճռականությունը հաջողության բաղադրիչներից են։ Մեզնից պահանջում են հիանալի խաղ ցուցադրել»,- ասել է Ինձագին մամուլի ասուլիսի ժամանակ։
