Մադրիդի «Ռեալի» գլխավոր մարզիչ Կառլո Անչելոտտին ֆուտբոլային պաշտոնյաներին կոչ է արել հաշվի առնել յուրաքանչյուր մրցաշրջանում հանդիպումների քանակը կրճատելու մասին՝ կապված ֆուտբոլիստների վնասվածքների աճի հետ։
Այսօր հայտնի դարձավ, որ Մադրիդի «Ռեալի» հարձակվողական ոճի կիսապաշտպան Բրահիմ Դիասը ազդրի մկանային վնասվածքի պատճառով կարող է բաց թողնել երեք ամիս։
«Ժամանակացույցը չափազանց խիտ է։ Մենք ունենք Չեմպիոնների Լիգայի նոր ձևաչափ, և ոչ ոք չգիտի, թե ինչպես ամեն ինչ կստացվի։ Բայց ակնհայտ է, որ մենք ևս երկու հանդիպում ունենք։
Եթե ղեկավար մարմինները չսկսեն մտածել այն ֆուտբոլիստների մասին, ովքեր վնասվածք են ստացել չափազանց շատ խաղալու պատճառով, մենք խնդիրներ կունենանք։ Ես խնդրում եմ նրանց կանգ առնել և մտածել հանդիպումների քանակի կրճատման մասին՝ մրցակցությունն ավելի գրավիչ դարձնելու համար»,- ասել է Անչելոտտին մամուլի ասուլիսի ժամանակ։
Երեքշաբթի օրը «Ռեալը» Չեմպիոնների Լիգայի նորացված ձևաչափով առաջին հանդիպումը կանցկացնի՝ մադրիդյան ակումբը կհյուրընկալվի «Շտուտգարտին»։
