Լրագրողներին հայտնի է դարձել, թե ինչ աշխատավարձ է ստանալու Մադրիդի «Ռեալի» ուկրաինացի դարպասապահ Անդրեյ Լունինը մադրիդյան թիմի հետ նոր պայմանագրով։
Ինչպես հայտնում է Defensa Central-ը, «արքայական» ակումբի հետ նոր համաձայնագրով 25-ամյա ուկրաինացի ֆուտբոլիստը տարեկան կվաստակի չորսուկես միլիոն եվրո։ Մինչ այս Լունինը ստանում էր 2,5 միլիոն եվրո մեկ մրցաշրջանի համար։ Հարկ է նշել, որ «սերուցքայինների» բելգիացի հիմնական դարպասապահ Տիբո Կուրտուան տարեկան վաստակում է մոտ 9 միլիոն եվրո։
Հիշեցնենք, որ վերջերս Անդրեյ Լունինը նոր պայմանագիր է կնքել մադրիդյան թիմի հետ՝ մինչև 2030 թվականի ամառը։ Անցած մրցաշրջանում ուկրաինացին Մադրիդի «Ռեալի» կազմում Իսպանիայի առաջնությունում անցկացրել է 21 հանդիպում, որոնցից 11-ում դարպասն անառիկ է պահել։
