ՈՒԵՖԱ-ի տնօրեն Միկելե Ուվան ասել է, որ Իտալիան լուրջ խնդիրներ ունի EURO-2032-ին հինգ մարզադաշտ նախապատրաստելու համար, որը կանցկացվի Թուրքիայի հետ համատեղ։ Այս պահին պահանջներին բավարարում է միայն մեկը՝ «Ալյանց Յուվենտուս» մարզադաշտը։
«Իտալիային անհրաժեշտ են EURO-2032-ին համապատասխանող հինգ մարզադաշտեր՝ արդեն հաստատված և ֆինանսավորվող նախագծերով: Այս պահին պատրաստ է միայն մեկը՝ Թուրինի «Յուվենտուսի» մարզադաշտը։ Հռոմի «Ստադիո Օլիմպիկոն» պահանջում է որոշակի փոփոխություններ, մինչդեռ «Սան Սիրոյում» իրավիճակն ավելի բարդ է:
Արդեն մեկ տարի է, ինչ ապահովվել են մրցաշարի անցկացման իրավունքները, և առանձնապես առաջընթաց չկա։ Խոսքը միայն մրցաշարի համար նախատեսված հինգ մարզադաշտի մասին չէ։ Իտալիան պետք է ներդրումներ կատարի փոքր ակումբների համար մարզադաշտերի զարգացման համար: Օրինակ, վերջին տարիներին Թուրքիայում կառուցվել է 13 նոր մարզադաշտ, և ոչ միայն նրանք, որոնք կընդունեն EURO-ն։
Անգլիայում քանդեցին Ուեմբլին, Բրազիլիայում՝ Մարականան վերակառուցվեց՝ սրանք ֆուտբոլի տաճարներ էին։ Ես հասկանում եմ, որ մարդիկ կապված են մարզադաշտերի հետ, բայց պետք չէ մտածել, որ դրանք հավերժ են։ «Սան Սիրոն» գեղեցիկ հուշարձան է, բայց միլանյան երկու ակումբներն էլ պետք է ունենան իրենց ժամանակակից մարզադաշտերը, որոնք կարող են նոր եկամուտներ ստեղծել»,- ասել է ՈւԵՖԱ-ի տնօրենը Tuttosport-ին տված հարցազրույցում։
